პატარა სინათლე
ყველა საქმეს ერთი რამ ჭირდება - გაკეთება.
ხანდახან, განსაკუთრებით ისეთ დროს, როცა არაფერს უცნაურს და განსაკუთრებულს არ ელი, სადღაც, გულის მეათასედ უჯრედში მოულოდნელად აბრწყინდება ხოლმე პაწაწინა სინათლე, წამიერად გაელვებული ერთი ბეწო ახალი აზრი, და თითქოს თავდაყირა აყენებს მანამდე დალექილ ყოველდღიურობას. პატარა მბჟუტავ სინათლეს შეუძლია უშველებელი სიბნელიდან ბეწვის ბილიკებით თვალისმომჭრელ სინათლემდე გამოყვანა. მთავარი თვალის გასწორებაა, ციმციმა ციცინათელებისგან გამორჩევა, მერე კი მაგრად ჩაჭიდება რომ არ დაიკარგოს.
არ ჩაქრეს, ეს არის მთავარი.
